يعنى ايه اعتصام..!! يعنى تقف فى مكانك تحتج و تقول رأيك بمنتهى الحرية و بمنتهى السلمية .. و الشرطة تحميك .. لأ و تلبيلك أحتياجاتك الضرورية كمااان... ده مفهوم الاعتصام فى أى بلد متحضره بجد
يعنى ايه بلطجية دخلو ضربو المعتصمين ...!!
يعنى خناقة بين البياعين راحو مولعين فى الخيم اللى المعتصمين بينامو فيها...!!
انا عايز اعرف حاجة ..يعنى كل وظيفة ميتين ام الشرطة ان هى تضرب فينا و تفرق مظاهرات و اعتصامات ....!!
ليه ميكونش فيه تأمين للأعتصام .. طالما انا راجل سلمى واقف بأحترامى بقول رأى بحرية و بأسلوب متحضر..ممكن بس مش فى مصر ..عارف ليه...؟؟
عشان عندنا الامن هوا اللى بيجيب البلطجية و يسلطهم على المعتصمين .. و لما تحصل المصيبه يقولك عناصر مخربة و بتاع..عشان عندنا بشوات الداخلية لسه موصلتلهومش حاجة اسمها ثورة....عشان مش مقتنعين بحاجة اسمها اعتصام ليه مطالب المفروض تتحقق..احنا مش صيع ولا غاويين نبات بره بيوتنا و نفسنا منعتصمش و كل حاجة تمشى طبيعى ..بس مفيش حاجة بتتنفذ غير بالضغط...
و اخر فيلم وسخ امبارح يقولك الباعة الجائلين ولعت الخيم بتاعت المعتصمين .. البياع ده راجل موجود عشان يسترزق يعملو كوباية شاى ..يبيع ساندويتش كده.. و موجودين فى الميدان من زمان أى نعم هما كتروا .. بس بردو مش هما دول اللى ضربو المعتصمين .. ولا اللى ولعو فى الخيم...
دول بلطجية الداخلية .. اللى الداخية لا مؤاخذة مسرحاهم.. و فى الاخر يقولك باعة جائلين...ياعم احترمو ذكائنا بقى شوية الله يرضى عنكو
بقى بزمتك با عصام يا شرف يالى جيت من التحرير يالى كنت معتصم و عارف يعنى ايه اعتصام.. لو كنت انت مكان الثوار كنت عملت ايه... طب عملت ايه لما الوساخة دى كلها حصلت ...احب اقولك حاجة
الاهبل اللى قبلك شفيق ده..مشيناه عشان هلاهوطة كان اهبل مش عارف حاجة.. يا أما تاخد وضعك من مجلس القلل ده .. و تبقى ليك قرارتك...يا أما تستقسل بكرامتك و نحطك فوق راسنا ... يا أما زى ما جبناك هنمشيك و شكلك هيبقى خرااااااااا....
لما تطلب انك تمشى 7 وزاراء و المجلس يقولك لأ... و انت تقولو امين ...يبقى انت راجا هوزء..
بصراحة اول ما مسكت كنت متفائل بيك جدا بس دلوقتى ندمت على تفاؤلى...
و مش هاتكلم خاااالص عن المجلس الموقر لأن دول حكايتهم حكاية ..و عايزين 3 ايام تنتقدهم..دول بشوات
*من شوية سمعت خبر ان انبوب الغاز المصدر لاسرائيل انفجر على يد مجهول احب اقوله... انت راجل.. و خدت حقك بدراعك و اقول للمجلس و الداخلية سلمية دى تبقى خالتك
كلمة اخيرة ,, انا نازل ان شلء الله 8 يوليو و هاعتصم... و حياه امى لو بعتو بلطجية و انتو اغبياء و تعملوها لا نكلهم و نمصمصهم و نبعتلكه العضم ..و محدش هيقدر يمد ايده علينا الثورة دى قامت على 3 كلمات
كرامة............. حرية.......... عدالة اجتماعية
مش هنفرط فى ولا واحدة فيهم...مش هنضرب تانى
* ملحوظة مش أى حد لابس فانلة داخلية و شبشب و مشمر البنطلون يبقى بلطجى...و شكرا يا بلد ملهاش كبير...
by
salooo7a
