الأربعاء، 30 مايو 2012

المطلب الغائب..!!


عيش..حرية..عدالة أجتماعية...!!
بعد مرور عام و نصف على ثورة يناير الثورة التى خرجت تطالب بالعدالة الأجتماعية كمطلب أساسى , هل تشعر الجماهير بأى تحسن ولو طفيف فى مستواهم المعيشى.., هل هبطت الأسعار , هل تم تطبيق الحد الأدنى للأجور , هل تم فرض أى ضريبة تصاعدية أو حتى مناقشة مشروع بمثل هذا المعنى , هل تمت مناقشة أى ميزانية للدولة فى البرلمان لمعرفة كمية الانفاق على الصحة و التعليم , هل تم وضع أى تصورات لمشروع تأمين صحى حقيقى لكل المصريين , هل تم حصر الشركات الحكومية التى تم خصخصتها و البدء فى خطوات أسترجاعها.....لا..!!

أبسط أجابة على كل هذه الأسئلة أن الثورة لم تحكم و أن النظام ما زال قائما و ان شيئا لم يتغير و لا نستطيع محاسبة الثورة طالما لم تصل الى السلطة..!!

تذكر معى عدد المليونيات الهائل التى خرجت خلال العام و نصف الماضيين..كل جمعة مليونية أما للتأكيد على مطالب الثورة..و للمطالبة بمحاكمة رموز النظام..و لأسقاط حكم العسكر..وكل هذه المطالب (المشروعة)
أنا لا أقلل من من أهمية تلك المطالب و لا من مشروعيتها ..بل أستنكر و أستعجب لماذا لم نرى مليونية لتطبيق الحد الأدنى للأجور...لماذا لم نرى أعتصام يطالب بضم الصنادية الخاصة لموازنة الدولة..لماذا لم نرى مثل تلك المليونيات ولا الأعتصامات..علما بأن الثورة كانت تنادى ..عيش حرية عدالة أجتماعية .
بعد عام و نصف لا تشعر الجماهير بأى تحسن , بل الأمور من أسوأ الى أسوا...بل و الأسوأ من ذلك ان الجماهير تشعر بأن كل الأحزاب و النخب و مرشحى الرئاسة لا يشعرون بذلك الفقرالفاحش  ..بل ما تهمهم هى المناصب و الصفقات , أين نصيب الفقراء من تلك الصفقات..؟؟
كنت أتمنى الأن فى ظل الصفقات السياسية و التطمينات و الضمانات بدلا من ان تطالب قوى الثورة بحكومة معينة أو أشخاص بعينهم لأعلان دعمهم لمرشح أن يطلبو تعهدات مكتوبة بتنفيذ أجراءات معينة فى مدة محدد و لتكن أول مئة يوم فى فترة الرئاسة..ان يتعهد المرشح بأعداد مشروع لتطبيق الضريبة التصاعدية و أن يتعهد بتطبيق الحد الأدنى للأجور و أن يتعهد على أعادة الشركات المخصخصة و مثل تلك التعهدات المادية الملموسة.
فلتعترف قوى الثورة أن العدالة الأجتماعية لم تكن ضمن أجندتها بل كانت هتاف..ليس أكثر من هتاف .
ولا تطلب من الجماهير أن تطلب الحرية قبل أن تشبعها , فمقابل لقمة العيش قد يأتون لك بديكتاتور جديد . 





                                                  كل السلطة و الثروة للشعب

الجمعة، 27 أبريل 2012

هل يتجه العالم يسارا..؟

أنا دلوقتى مش هتكلم على مصر..رغم ان مصر بتشهد حاليا حراك عمالى مسبوق محصلش من سنين من كمية الأضرابات اليومية والأحتجاجات و الأعتصامات..يكفى أقولك أن فى النص الأول من ابريل بس تم رصد 121 حركة أحتجاجية ..http://ecesr.com/?p=5227
واللافت للنظر أن فى بعض المطالب كانت سياسية بحتة زى ابعاد الفلول عن المناصب الكبيرة فى الشركات و المصانع وأيضا لمنع نهب أموال تلك الشركات..عندك شركة التعاون للبترول مكنش ليهم ولا مطلب مادى بالعكس كلهم مرتبتهم معقولة جدا لكن كانوا بيطالبو بأبعاد بعض الأشخاص المسؤلين عن نهب الشركة حرصا منهم على المال العام . 
التطور ده و بالحجم ده شئ لافت للنظر جدا ..والوعى العمالى اللى فى زيادة مستمرة..أن لهم حقوق لازم يحاربوا عشان يخدوها وأن محدش هيحارب بالنيابة عنهم..كل دى مكاسب كبيرة أوى فى الفترة اللى فاتت..بس بردو انا مش هتكلم انهاردة على مصر..أنا هتكلم على برة مصر..و خصوصا الغرب.
أنا زى ما بقيت كل يوم بقرا أن فى اضراب أو اتنين فى مصر..بقيت بقرا كل يوم خبر عن أضراب فى دولة أو دولتين فى أوربا ..!!
معروف أن فى أوروبا ثقافة الأضرابات موجودة من زمان ومتأصلة ..لكن الملفت هو كثافة الأضرابات و انتشارها فى عدة دول.. 


مثلا : بتاريخ20-4-2012 اضراب فى قطاع النقل فى ايطاليا بسبب الاجراءات التقشفية واصلاح العمل
http://arabic.euronews.com/2012/04/20/strike-hit-italy-rages-against-monti-s-labour-reforms/

بتاريخ 19-4-2012  اضراب عمال القطاع العام بسلوفينيا احتجاجا على أجراءات التقشف الأقتصادىhttp://arabic.euronews.com/nocomment/2012/04/19/civil-servents-strike-across-slovenia/

بتاريخ 14-4-2012  الغاء 121 رحلة طيران أسبانية بسبب اضراب شركة "أيبريا" وكان سبب أضراب الطيارين احتجاجا على تأسيس فرع جديد للشركة منخفض التكاليف بسسبه هيتم الأستغناء عن ألاف الموظفينhttp://arabic.euronews.com/2012/04/14/strikes-by-pilots-in-spain-grounds-120-flights/

ده غير الاضرابات فى ايطاليا ضد الحكومة الجديدة حكومة "مونتى"  للاحتجاج على خطط الحكومة لاستحداث تشريعات من شأنها أن تجعل من السهل على الشركات تسريح الموظفين.  http://www.e-socialists.net/node/8657

و أخيرا المظاهرات و الأحتجاجات فى التشيك المطالبة بأسقاط الحكومة فى واحدة من أكبر الاحتجاجات في البلاد منذ سقوط النظام الشيوعي، حيث تظاهروا في براج ضد خفض الإنفاق وزيادة الضرائب والفساد، وللدعوة إلى وضع نهاية لحكومة يمين الوسط http://www.e-socialists.net/node/8675

أنا مش هعد اعد الاضرابات لأنها كتير جدا و فى اوربا كلها..عدوى الأضراب انتشرت وفقدت الدول الأوربية رفاهيتها..الاضراب فى كل مكان...فى النقل العام فى بلجيكا..لعمال النظافة فى بلارمو الأيطالية..للأضراب العام و الأكبر فى أسبانيا..للأضراب فى القطاع العام فى المانيا...الى الأزمة المالية اليونانية ..!!


سؤال يطرح نفسه : هل فشلت السياسات الرأسمالية الأوربية و لجؤها الى خطط التقشف  و تدابير خفض الأنفاق و زيادة الضرائب..هل شعر المواطن الأوربى بهذا الفشل...هل يفكر فى التغيير..؟
تعد نتائج المرحلة الأولى من الأنتخابات الفرنسية التى أظهرت تقدم مرشح الحزب الأشتراكى فرانسوا هولاند بنسبة 28.06%على ساركوزى مرشح يمين الوسط بنسبة 27 % ...أشارة و علامة على الرغبة فى التغيير و الاتجاه الى السياسات التى تعمق دور الدولة الى السياسات التى تبحث عن العدالة الأجتماعية.

لذلك فالسؤال الأهم..هل يتجه العالم يسارا...؟؟

السبت، 14 يناير 2012

انا و البرادعى

كان عندى 16 سنة..مكنش ليا فى السياسة..كانت علاقتى بالجرايد الاهرام الرياضى و ملحق يوم الاثنين بتاع الكورة اللى فى الجمهورية مش فاكر كان اسمه ايه..لحد ما لفت نظرى جورنال محمد اخويا كان دايما بيقراه.. الدستور..
لقيت عنوان كبير..عودة الدكتور البرادعى الى مصر..كنت وقتها كل اللى اعرفه عن البرادعى انه بتاع وكالة الطاقة الذرية المصرى اللى واخد نوبل و كان بيروح العراق يفتش
مسكت الجورنال و قريت تفاصيل الخبر و عرفت انك ممكن ترشح نفسك للرئاسة و عرفت ان ابراهيم عيسى رئيس تحرير الجورنال عامل معاك حوار على حلقات كل اسبوع حلقة كنت عايز اعرف كل حاجة عن الراجل اللى ممكن يبقى رئيس..كنت فاكرها سهلة ..كنت بجيب الجورنا كل يوم..وانخور ورا الراجل ده..
لحد ما شوفت فيديو استقبال البرادعى فى المطار و كمية الناس كانت قد ايه و الهتافات و اليفط..دخلت على ويكيبيديا و كتبت محمد البرادعى ... قريت كل كلمة اتكتبت عليه..ساعتها قلت انا مع البرادعى..رحت قلت كده لمحمد اخويا فرح بيا قوى و قالى جدع...
من ساعتها كانت مل علاقتى بالسياسة بردو البرادعى..لما كانت تيجى سيرة السياسة و انا قاعد مع اصحابى اتكلم معاهم على البرادعى و انه ينفع يبقر رئيس مصر..الخ
ساعتها كان عندى 16 سنة زى ما قلت و كنت لسه مطلع بطاقة بقى و فرحان..لقيت خبر البرادعى يبدأ حملة التوقيعات و مكتوب الموقع بتاع الجمعية الوطنية للتغيير اللى هوا اسسها ..دخلت على الموقع لقيت بيان من 7 مطالب و عشان توقع عليه لازم تكتب الرقم القومى بتاعى ..خفت..بعد كده قلن انا لسه صغير مش هيعملولى حاجة رحت كاتب رقم القومى بتاعى و توكلت على الله...
كنت بستنى اتفرج عليه فى أى برنامج ييجى مكنش بيطلع كتيير بس طلع مرتين مع منى الشاذلى و كنت متابعه على طول على النت مكنتش عارف اعمل ايه غير كده..
المهم ....عدت ايا كتييير و الثورة قامت ...
قلت ان البرادعى خسر كتيير بعدم نزوله يوم25...لكنى لقيته يوم 28 فى الصفوف الاولى ...محدش كان مركز مع شخصيات ال18 يوم كن همن مبارك يمشى و بس...
بعد الثورة بدأت المواقف فى الوضوح...
لقيته بيقول لازم نعمل مجلس رئاسى مدنى...لقيته بيقول الدستور اولا...حسيت انه صادق حسيت انه مش عايز منصب حسيت انه بيعمل كده عشان مؤمن بحاجة بجد و مستعد يعمل عشانها اى حاجة...أخدت ساعتها قرار مهم...انا هدخل حملة البرادعى...
 لازم اعمل حاجة ...المناخ دلوقتى يخلينى اقدر اساعد..فى حاجة اقدر اعملها..
اولا مكنتش اعرف حد فى الحملة و لا عارف اعمل ايه...كان فى ارقام على البيج بتاعته..تتصل بيها عشان تنضم للحملة ..اتصلت و فعلا الناس وصلونى للحملة بتاعت المعادى بما انى ساكن فى دار السلام ودى الحملة اللى انا تبعها.....
رحت اول اجتماع ..متشوق ..قلقان...مش عارف هنعمل ايه..!
قابلت شباب من سنى و اكبر منى متحمسة حماس غير عادى ...ساعتها قلت الراجل ده ان شاء الله هيكسب..تفائلت جدا...
كنا بننزل الشارع نكلم الناس..الناس مش عارف حاجه عنه...كمية الاشاعات و المعلومات الغلط و حملة التشويه دمرت جزء كبير من سمعة الراجل...الناس لما منت بتعرف الحقيقة كانت بتتزهل ..ايه ده بجد..!!
عمرى ما حسيت انى تعبت و احنا فى الشارع..اتعرضنا لمضايقات و شتيمة وكل حاجة اشطة يعنى...انا مش هنسى اليافطة اللى علقناها عند مترو دار السلام و كنا هنتخانق و الحمد لله تانى يوم مكنتش موجودة...:]
و جه اليوم اللى كنت مستنيه من زمان..هقابل البرادعى...
فرحت جدا..كانت ايام امتحانات بس عل ميييين ده البرادعى يا معلم...و فعلا رحنا كحملة المعادى عشان نقابله..و كانت المفاجأة..فى ى اليم ده اتأكدت ان قرار كان سليم بتأييد الراجل ده..اولا طريق كلامه معانا هية هية زى ما بيتكلم مع الاعلام ...متواضع جدا جدا جدا...مش هنسى لما كنا عايزين نتصور معاه كلنا بس هوا كان تعب من الاجتماع و احنا قلنا خلاص مش مهم عشان صحته لاقيناه خارج من مكتبه و دخل غسل وشه و فاق كده و قلنا تعالو اتصور معاكو...
البرادعى اختلفت معاه كتيير فى طريقة تعبيره عن الاحداث من خلال تويتر وبس..بس عمرى ما فقدت ثقتى فيه...
الراجل ده غير فعلا جوايا حاجات كتيييير اوى...ده  حتى حببنى فى كليت و فى دراسة القانون عشان اكون زيه فى يوم من الايام...
البرادعى ايقونة و رمز فى حياتى على المستوى الشخصى قبل أى حاجة...
أنهاردة البرادعى كتب فصل جديد فى علاقته معايا.....مش هتكلم على موقف الانسحاب لأن ده مش اسحاب ....
الى البرادعى...,,   اهلا بك فى الشارع مرة اخرى.. welcome back baradei





الخميس، 22 ديسمبر 2011

Wanted – ابحث مع الشعب ...(copied)


These are some screenshots I took of army soldiers, thugs and unknown civilians who were throwing rocks, sharp marble plates and glass bottles at the protesters of the cabinet sit-in in Qasr Ainy street near Tahrir square.  They were on the rooftop of the scientific institute building, responsible for the injury of hundreds and death of  some protesters. Let me know if you know any of them. Check out the original pictures here: http://t.co/qApFCn0



دى بعض من الصور ال صورتها لجنود الجيش و البلطجية ال كانو بيرمو طوب على المتظاهرين من فوق مبنى المجمع العلمى و اللى كانو السبب فى اصابة مئات من المتظاهرين و موت البعض منهم. لو تعرف حد منهم أكتب رقمه ال فى الصورة و البيانات ال تعرفها عنه. و دى الصور الأصلية للتأكد من صحة كلامى: http://t.co/qApFCn0




Pictures taken on December 17, 2011