مش عايزكم شكرااااااا...

انهارده 6/1 ...يوم التدوين ضد المحاكمات العسكرية ...
اولا انا مش هتكلم عن المحاكمات العسكرية بس ..انا هتكلم عن الاسلوب اللى بيتعامل بيه العسكر من محاكمات و استدعاءات لاعلاميين و صحفيين ..لمجرد ان هما بيقولو رأيهم..
و المصيبة الكبيرة اللى عايز اتكلم عليها..الاعتراف بموضوع اختبارات العذرية...
اولا : المحاكمات العسكرية ..يعنى ايه..؟؟ و لمين..؟؟

المحاكمات العسكرية = محاكمات للعسكريين لما بيخالفو الاوامر مش للمدنيين..
المحاكمات العسكرية = قمة التعسف يعنى متشوفش حد من اهلك متلحقش تجيب محامى يعنى المصيبة كمان ان الحكم هيتنفذ فى سجن حربى...و ما ادراك ما السجن الحربى..!!
يعنى لما الثورة قامت و بدأت محاكمات رموز النظام السابق طلبنا ان هما يتحاكمو محاكمات مدنية عادلة عشان محدش يتظلم مع ان مفيش ثورة بتعمل كده فى الدنيا ...كل الثورات لما بتقوم بتحصل حاجة اسمها محاكمات ثورية ...دى مفيهاش هزار...شوف احنا طلعنا طيبين معاهم ازاى و فى الاخر تحاكموهم مدنى و تحاكمونا احنا عسكرى...ليه فى شرع مين ده..
عايزين تمشوها عسكرى ..خلاص..eshta...عسكرى على كولو يعنى حسنى و عياله و الشلة الحلوة كلها تتحاكم محاكمات عسكرية...فى حاجة اسمها...المساوة فى الظلم عدل....ولا ايه..؟
-----------------------------------------------------------------
ثانيا : اتكلمنا فى موضوع الاعلام قبل كده 100 مرة...
اتكلمنا لما حصل اللى حصل مع بثينة كامل لمجرد ان هيا انتقدت اداء المجلس العسكرى ..

و اتحولت بعدها للنيابة العسكرية...قلنا غلطة و مش هتكرر
نيجى نلاقى اللواء ممدوح شاهين مش عاجبه كلمة حاشدة اللى ontv كاتبها...يقوم ساحب تليفونه و يكلم القناة يهزئها ..عادى..

كله ده ويقولك حرية الاعلااااااااام.....
الاولى و عدت التاية و اتبلعت لكن التالتة كانت وحشة اوى لما يستدعومذيعة اللى هيا ريم ماجد و المدون حسام الحملاوى ..!!
عشان انتقدوا برضو اسلب تعامل الشرطة العسكرية مع المدنيين..
ملحوظة : حرية الاعلام قلت بعد الثورة كتيييير عن قبل الثورة
-----------------------------------------------------------------
ثالثا : ده اهم موضوع عندى بصراحة ...
طظ فى المحاكمات العسكرية ..طظ فى حرية الاعلام ...لكن هنا stop...
موضوع اختبارات كشف العذرية ... ظباط الجيش بيعملو اختبارات كشف عذرية للبنات المقبوض عليهم.....(a7a) .......
الكلام ده ظهر بعد فض الجيش لاعتصام 9 مارس بالقوة فى عز الضهر و بمساعدة بلطجية ..يومها اتقبض على ناس كتييير منهم 18 بنت ...
بعدها بكام يو قرينا ان فى انتهاكات حصلت للبنات دى و اتعملهم اختبارات كشف عذرية ..و حاجو وسخة و اخر قلة ادب...

مممكن تقول ايه دليلك ان ده حصل فعلا ..هو كل واحد بيقول حاجة تصدقه...لأ...لكن المفاجأة المجلس العسكرى اعترف...اه اعترف..اهوه يا سيدى
http://www.almasryalyoum.com/node/458311
وكمان لينك اهوه
http://arabic.cnn.com/2011/egypt.2011/5/31/virginity.test_acknowledg/index.html


هيص يا عم..المسؤل العسكرى بيقول ان هذه الفحوص تمت كخظة احترازية...a7a...خطوة احترازية تكشف عل عذريتهم..؟؟
ترض حد يعملها لمراتك ولا لبنتك...كخطو احترازية...
ليه...عشان المحتجات متجيش تقول بعد كدة ان حد اختصبهم ..لأ عداك العيب يا شيخ كده محدش يغلطكو...
ايه البجاحة دى ..ايه قلة الاب دى ..المجلس العسكرى فى رسالته ال29 قال هيتم التحقيق فى هذه الواقعة ...فين نتائج التحقيق و ايه رأيكم فى الاعتراااااف ده.....
        بجد شكرااا مش عايزكم...بجد شكراااااااا

                                                                  by
                                                           salooo7a